Хаттар:

Ассаламу Iалайкум! Къоран телефон тIера я комьютер тIера доьшуш ламаз карахь хила дезий?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Кехат тIехь яздина долу Къуръан схьаоьцуш а, цунах Iотталуш а хилча ламаз карахь хила деза.

Телефон тIера а, компьютер тIера а Къуръан а доьшуш хилча ламаз керахь хилар важиб дац, хIунда аьлча цу хьолехь Къуръанах Iотталуш ву олийла дац, йа цу шина хIуманна чохь дерг кехат тIехь яздина долу Къуръан а дац. Бакъду, ламаз керахь хилча дика ду  оцу хьолехь а, хIетте а керахь ца хилча а деша мегар долуш ду.

ХIокхунах тера а долуш, хIокхуьнца доьзна долу хаттар вай дийцира хьалха кхузахь:

«Компьютер чохь Къуръан дешар вуьшта дешар санна дуй?»

Ткъа дика хуург сийлахь АллахI ву!

28.02.2011 = ‏25‏.03‏.1432