Ассаламу 1алайкум! Хьиджаб лелош йoлчу зудчунна когахь наскеш лелор т1ехь дуй? Капроновый йoлуш, чекх са гуш наскеш лелайo зударша. И наскеш лело езаш елахь, чекх са гуш ерш магош юй уьш?

БисмиллахIиррохьманиррохьим

Ва Iалайкум ассалам ва рохьматуллахIи ва баракатухI!

Бусалба зуда нахана юкъа йoлучу хенахь а, ламаз дечу хенахь а дерриге дег1 д1ахьулдина хила езаш ю, юьхь а, ши куьг а доцург. Ши ког а бу д1ахьулбина хила безаш. Нагахь санна капронан наскеш йoьхча ши ког гуш-къаьсташ хилахь, и шиъ д1акъовла беза цо, я кхи пазат йoьхна, я т1ехула охьа цхьа деха духар доьхна. Мухха д1ахьулбича а башхула яц, коьртаниг шина коган ч1ор гуш-къаьсташ ца хилар ду.