Адлан: Ассаламу Iалайкум са бусулб ваша. Цхьа хаттар дара сан хоьга. Багахь марха долуш шен зудчух хьакха велча марха духий?

Олхазар: Ва Iалайкум ассалам ва рохьматуллахI!

Лераме ваша! Зудчух хьакхавалар бохург хIун маьIна долуш ду? Iоттавалар бохург ду хьан иза, йа цхьа кхин маьIна ду?

Адлан: Мара йоьллина ас дицделла.

Олхазар: Ахь хьайн хIусамнана мара йолларх хьан марха ца духу. Хьан марха духур дара ахь бехкеметтиг бехкеметтигах кхоьтуьйтуш цуьнца эвхьаза гIуллакх даийтинехьара, йа ахь иза марайоллар бахьана долуш хьан оралла яьлла хиллехьара. Нагахь санна и ши хIума хилла дацахь хьан марха ца духу.

ХIара маьIна долу хаттар вай дийцира хьалха кхузахь:

Марха а долуш зудчуьнца дIавижча марха духий?

Дика хуург сийлахь АллахI ву!

26.08.2009