Хаттар:

Ассаламу Iалайкум! Маре яха хан йиллан ю со, тIаккха хIинца цара ловзарг дан тарло. Суна а, цу кIантана а лууш хIума дац иза, делахь а, тхоьга ладугIуш стаг вац. Суна хаа лаьара – и ловзар дар хьарам дуй хуушехь, цара и дой хууш, суна маре яхар хьарам дуй?

Жоп:

БисмиллахIир-рохьманир-рохьим

Ва Iалайкум ассалам ва рохьматуллахIи ва баракатухI!

Лераме йиша!

Ахь дийриг хьарам хIума дац, мелхо а дика хIума ду. Хьо маре йоьдучу меттехь цхьамма цхьа хьарамло лелор хилар хьан бехк бац, хIунда аьлча иза цкъа делахь хьан керахь дац, хьайна лиъча и ца дайта аьтту бац хьан, йа хьоьга хьайн куьйга а, маттаца а иза саца а лур дац, хIунда аьлча ахь ма-аллара, хьоьга ладугIуш цхьаъа вац. ШолгIа делахь, хьо реза йолуш хир долу хIума а дац иза, йа хьан бехках хуьлуш дац, йа ахь де бохуш хуьлуш дац. Цул совнаха, хьо цунна реза а яц, хьуна иза деза а ца деза, хIунда аьлча иза Iесалла йолу дела.

Бакъду, хьой маре йоьдучу кIанте/стаге ала деза ахь, хIуъа дей а шайн той Дала ма-бохху хилийта хьажа аьлла.

Ашшимма шиммо а дан дезарг Делан Элчано – Делера салават а, салам а хуьлда цунна – аьлларг ду: "Шух цхьанна цхьа вониг гахь, шен куьйга хуьйцийла цо иза. Иштта ца хийцалахь маттаца хуьйцийла. Иштта а ца хийцалахь – шен дагца духатухийла цо иза. Бакъдолуш, иза (дагца духатохар) – Ийманан уггар гIийла дакъа ду". Муслим.

Цундела, шаьшшинга иза маттаца сацалур делахь – сацо хьажа. Дацахь – дагца инкарло йе цунна, къобал ма де иза, реза а ма хила цунна.

Дика хуург сийлахь АллахI ву!

05.11.2009