Хаттар:

Ассаламу Iалайкум! Луьйчаш (купаясь) ламаз оьций хаьа суна, душ кIелахь луьйчаш муха хира ду и алхьара ахь, эца лой и, ше бехкеметтиге куьг Iотта делча хIума дуй иштта ламаз эцча?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

«Душ» кIелахь луьйчуш хилча а вуьшта санна ламаз эца йиш ю хьан. Луьйчуш волчу хенахь ахь ламаз эцначул тIаьхьа хьан ламаз карара далахь (масала, ахь хьайн хаттарехь ма-аллара, ламаз эцначул тIаьхьа ахь хьайн бехкеметтиг юьлуш цунах куьг Iоттахь, йа мох балахь, йа хьаткъан гIуллакх дахь, и.кх.дI), хьайн лийчар чекхдаккха мегар ду ахь, делахь а цул тIаьхьа ламаз ца оьцуш ламаз дан мегар дац, йа ламаз керахь доцуш дан мегаш доцу хIума дан а мегар дац.

Имам Нававийс (Дала къинхетам бойла цунах) аьлла: «Ша луьйчуш волчу юкъахь цуьнан ламаз карара да́лахь, лийчар чекхдаккха мегар ду цо, ламаз карара даларо цуьнан лийчар нийса хуьлучура а ца доккху. Делахь а, (керла) ламаз эццалц ламаз дийр дац цо».[1]

Дика хуург сийлахь АллахI ву!

31.01.2010 = ‏16‏/02‏/1431