Хаттар:

Ассаламу Iалайкум! Да бусулба волуш нана украинка  йолуш – йоIа ма-дийццара иштта ду и – цуьнца зина дар нисделла хилча, тоба а дина, хIор ламаз тIехь гечдар доьхуш, цхьанне хаа ца хууш, масала чура дена йа нанна йа гергарчарна. Молло куьг Iоьттанча санна цуьнца мах бина, и дIабалар нийса дуй, я оцу хьолехь хилча нийса дерг муха ду динехь?! АллахIа къинхетам бойла, АллахIа гечдойла массарна! Хьуна АллахI реза хуьлда.

Цаьршина мах нийса буй?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Зина динчул тIаьхьа, бовла ма-безза дохко бовла беза уьш, дан ма-дезза тоба а дан деза цара, хаттар юкъахь ма-аллара Деле гечдар доьхуш а хила беза уьш.

ТIаккха, шинне агIор цIерачарна хууш а долуш, нахана девзаш а долуш, къайлах а доцуш, шиъ теш волуш, йоьIан верасца бан ма-безза цара мах бинехь, церан махбар нийса ду, и доьзал кхоллабалар нийса ду, Дала мукъа лахь.

Нагахь санна оцу кепара мах бина бацахь, и шиъ цхьаьне да́ха лууш а делахь, вай ма-дийццара керла мах бан беза цара.

ХIара санна хаттар вай дийцира хьалха кхузахь:

"Стага зина дина шен тIехьийза йоIаца, цул тIаьхьа ялийна цо и...".

Ткъа дика хуург сийлахь АллахI ву!

2010-08-05 = ‏24‏/08‏/1431