Хаттар:

Ассаламу Iалайкум!

Масала, вайн нохчи кегий-нах а, бакхийнаш а нохчийн сайташ чохь хуьлу дукха хьолахь цу чохь доIанаш яздо цара. ТIаккха цунах ял хуьлий? Оцу доIанна АЛЛАХIА жоп лур дуй вай бусалб йижаршна а вежаршна а?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Iелам-наха хьалха-хьалха дуьйна шайн жайнашкахь тайп-тайпана доIанаш яздеш хилла ду, Деле шайн луург доьхуш.

ДоIа яздеш волчуьнан, ша яздечу доIана юкъахь дерг Деле деха лаам белахь, и доIа маттаца дича санна лоруш ду. Иза иштта хилар гойту Iелам-наха хьехош йолчу хIокху бакъено: "Яздар алар санна ду".[1]

Дика хуург сийлахь АллахI ву!