Ассаламу Iалайкум!

Дети пхьегIаш лело ца мега олуш хеззера суна, дети суьлхьанаш лело мегар дуй тIаккха ?

Баркалла шуна

Цхьаболчу Iелам-наха аьлла ду: «Мегаш хилар ШарIехь деана доцучу меттехь дети лелор хьарам ду»[1] - ткъа, мегаш ду аьлла деана дерг дети мохIур лелор а, тIеман цхьадолчу гIирсашца иза лелор а, кагйелла пхьегIа туойеш лелор а, дарбанна лелор а, иштта и санна дерг а ду, ткъа суьлхьанаш лелор цу юкъахь деана дац, цундела цу дашо гойтург дети суьлхьанаш лело мегар ца хилар ду.

Кхин а, цхьаболчу Iелам-наха хьарам ду аьлла ехк а, суьлхьанаш а, куьзга а, иштта кхийолу хIуманаш а дешица а, детица а хазйар.[2] Цхьаболчара иштта уьш хазйар а, кечйар а «макрухI» - «Iадда дитича мелехь» ду а аьлла.[3] Ткъа уьш детица кечйар а, хазйар а дика ца хилча, уьш ерриге детих хилар кхин а хьалхе йолуш ду дика ца хила.

Таханлера Iелам-стага, Шейх IабдуллахI Ал-ФакъúхIийс а, дети суьлхьанаш лелор мегаш дац аьлла жоп делла, шега лакхахь дерг санна долу хаттар дича.

Цундела, дети суьлхьанаш лело мегар дац цхьаболчу Iелам-наха ма-аллара, йа уьш ца лелош Iадда дитича мелехь ду, вукху Iелам-наха ма-аллара.

Уьш лелор дика ца хиларан масийтта агIо ю, церах уггар коьртачерах ю исраф ца дар (эрна ахча ца дохкар) а, куралла ца хилийтар а, дети пхьегIаш лело мегар ца хилар дуьйцуш даьхкина хьадисаш хилар а.

Ткъа дика хууш верг АллахI ву!