Хаттар:

Ассаламу Iалайкум! Цхьа форель олуш чIара коьрта тIе биллича, цо давлени хьала яьллачара охьайоккху бах, иза мегаш дуй-те?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Нагахь санна цо дарба деш хилар билггал девзаш делахь, иза мегаш ца хила бахьана ца го суна. Дуьнена тIера цхьадолчу хIуманаша адаман дегIана асар деш хила тарло «физически» а, «физиологически» а агIор, Iилманчашка теллича маьIна а далур долуш, масала бецаша а, туьхано а, цхьацца маьIданаша а, иштта кхидIа а. Ткъа иштта дарба лелор жинашца доьзна ца хилчахьана, бозбунчаллийца доьзна а ца хилчахьана, мегаш ду.  

Дика хуург сийлахь АллахI ву!

31.01.2010 = ‏16‏/02‏/1431