Хаттар:

Ассаламу Iалайкум! Арслан а, Руслан а бусалба цIе юй?

Жоп:

БисмиллахIир-рохьманир-рохьим

Ва Iалайкум ассалам ва рохьматуллахIи ва баракатухI!

Арслан а, Руслан а – «арслан» олучу дашах туркойн маттара схьаяьлла ши цIе ю. «Арслан» бохучу дешан маьIна туркойн маттахь лом бохург ду.

Имам Аз-ЗахIабийс – Дала къинхетам бойла цунах – аьлла, Раслан ибн ЯIкъуб цIе йолчу дикачу стагах лаьцна дуьйцуш:

«ДжаIбар олучу меттера хилла бу цуьнан бух, Дамаскехь кхиъна а ву иза. Эхартаца ойла дукха йолуш, дуьненаца юкъаметтиг кIеззиг йолуш, шена тIаьхьаваза мегар долуш (дика) стаг хилла иза, Дела реза хуьлда цунна. Шамсуддин Ал-Джазарийс аьлла: «Раслан – туркойн маттахь цуьнан маьIна лом бохург ду».[1]

Имам Ал-Муртадо́ Аз-Забийдийс – Дала къинхетам бойла цунах – аьлла, Iаьрбийн маттара дешнийн маьIна деш яздинчу «Та́джул-Iару́с» жайни тIехь: «Лоьмах «асла́н» алар Iаьрбийн маттара а доцуш, кхечу маттара схьаэцна ду. Цуьнан бух – «арсла́н» бу, и дош дуккхаммо цIе туьллуш лелош а ду. Цхьаболчара цуьнан хьалхара «алиф» дIа а докххий, «Расла́н» а олу».[2]

Дика хуург сийлахь АллахI ву!