Хаттар:

Де дика хуьйла!

Соьгахь йолу книга тIехь доIанаш ду Iарбой маттахь йаздина, нохчийн маттахь перевод а йина, масала: "Алхьамду лиллахIиллази ахьйана баIда ма аматана ва илайхIиннушур"... Хастам бу АллахIана, вай деллачул тIаьхьа дендина волчу, Цуьнга доьрзур долуш а ду вай.

И доIа сайна атта ма-хеттара аьлча мегаш дуй? Со хIу ала гIерташ ю хьуна аьлча, нохчи маттахь аьлчи мегаш дуй и, хIунда аьлча Iарбо маттахь и айса нийса ца дешарна кхоьру со.

Баркалла.

Жоп:

БисмиллахI, алхьамдулиллахI, вассолату вассаламу Iала росулиллахI!

Далла езийла хьо!

Коьрта дерг оцу доIанийн маьIна ду. Цундела, хьайна атта долччу кепара, нохчийн маттахь деша а мегар ду ахь уьш, Iаьрбийн маттара дерг Iадда а дитина.

Ткъа дика хуург сийлахь АллахI ву!

2010-08-06 = ‏25‏/08‏/1431