Хаттар:

Ассаламу Iалайкум варахьматуллахI! Ис баттахь кийрахь доьзалхо лаьттана, юха дуьненчу даьлчи делла дара и баьр, лоьраша ши де хилла бахара и дIадаьлла, оцу берана Iакъикъат дие оьший?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Нагахь санна бер ненан кийрахь далар нисделлехь, цуьнан далар цунна чу са кхоьллинчул тIаьхьа а хиллехь (120 де даьллачул тIаьхьа, йа вуьшта аьлча биъ бутт кхаьчначул тIаьхьа), цунна тIера Iакъикъат дер суннат ду, хIунда аьлча иза чу са кхоьллина а долуш, шеца дахар а долуш адам долу дела, иштта долчу беро – иза ненан кийрахь долуш делла хиллехь а – Къемат дийнахь шен дена-нанна шафаIат а дийр долу дела.

Амма нагахь санна и бер далар чу са кхоллале хиллехь, тIаккха цунна тIера Iакъикъат ден ца оьшу, хIунда аьлча иза шена чохь дахар долу адам лоруш дац.[1]

Цигара схьа девза вайна ахь хоьттучу хаттарна жоп а: оцу берана тIера Iакъикъат ден аьтту белахь, дийча дика ду, мелехь ду.

Ткъа дика хуург сийлахь АллахI ву!

23.03.2010 = ‏07‏/04‏/1431